Ermənistan KTMT-dən çıxacaq?

Ermənistan Kollektiv Təhlükəsizlik Müqaviləsi Təşkilatını (KTMT) yararsız hesab edəcəyi təqdirdə təşkilatdan çıxacaq.

Xezerxeber.az xəbər verir ki, Ermənistanın baş naziri Nikol Paşinyan bu barədə mətbuat konfransında deyib.

“Əgər Ermənistan KTMT-dən çıxmaq barədə hüquqi qərar qəbul etsə, bu, təşkilatın İrəvanı tərk etməsindən sonra baş verəcək. Əgər KTMT fəaliyyətsiz təşkilata çevrilərsə, məsələ gündəliyə gələcək. O zaman biz təhlükəsizliyimizi özümüz təmin etməli olacağıq”, - deyə Paşinyan bildirib.

Qeyd edək ki, Kollektiv Təhlükəsizlik Müqaviləsi 1992-ci il mayın 15-də Daşkənd şəhərində imzalanıb. Hazırda təşkilata altı dövlət - Qazaxıstan, Qırğızıstan, Tacikistan, Ermənistan, Belarus və Rusiya daxildir.