ABŞ Ukraynaya yardımı artırır

ABŞ Prezidenti Co Bayden administrasiyası Ukraynaya yardım üçün maliyyənin artırılması üzərində işləyir.

Xezerxeber.az Ukrayna KİV-nə istinadən xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi deyib.

Kirbi brifinqdə bildirib ki, ABŞ Ukraynaya daha çox kömək edəcək.

O əlavə edib ki, hazırda Konqres ilə gələcəkdə əlavə maliyyələşdirmə ilə bağlı iş aparılır.

Bu maliyyə ABŞ-ın Ukraynaya göstərəcəyi yardım üçün lazımdır.

Xatırladaq ki, ABŞ Prezidenti Co Bayden administrasiyası Konqresdən təcili yardım üçün daha 37,7 milyard dollar ayırmağı xahiş edib.