Armen Qriqoryan Hindistana gedir

Ermənistan Təhlükəsizlik Şurasının katibi Armen Qriqoryan Hindistana işgüzar səfər edəcək.

"Sputnik Armenia" xəbər yayıb ki, bu barədə Ermənistan Təhlükəsizlik Şurasının mətbuat xidməti məlumat yayıb.

Bildirilib ki, Hindistanın daxili işlər naziri Amit Şahın dəvəti ilə bu ölkəyə səfər edəcək Armen Qriqoryan noyabrın 18-19-da Yeni Dehlidəolacaq.

Ermənistan Təhlükəsizlik Şurasının katibi terrorizmin maliyyələşdirilməsi məsələsinə həsr olunmuş konfransda iştirak edəcək.

Səfər zamanı Armen Qriqoryanın bir sıra görüşlər keçirməsi də planlaşdırılır.