İstanbuldakı partlayışda yaralıların sayı 81 nəfərə çatıb AÇIQLAMA

Türkiyənin İstanbul şəhərinin Bəyoğlu məhəlləsi, İstiqlal küçəsində baş verən partlayış nəticəsində yaralıların sayı 81 nəfərə çatıb.

Xezerxeber.az yerli mətbuata istinadən xəbər verir ki, bunu jurnalistlərə açıqlamasında Türkiyənin Vitse-prezidenti Fuat Oktay deyib.

F.Oktay bildirib ki, partlayış nəticəsində 6 nəfər həlak olub: "Bombanı hücum edən qadının işə saldığı müəyyən edilib. Hadisə yeri araşdırılır və lazımi dəyərləndirmə aparılır. Hazırda 4-ü hadisə yerində olmaqla 6 nəfəri itirmişik, 81 yaralımız var. Hadisə yerinin təhqiqatı tam sürətlə davam edir. Bu işi tezliklə aşkara çıxaracğıq. Tətikçinin arxasında kim varsa, cavab verəcək".