Putin Rusiyada qismən səfərbərlik elan etdi

Rusiya Prezidenti Vladimir Putin ölkədə qismən səfərbərlik elan edib.

XəzərXəbər xəbər verir ki, bu barədə “Mash” teleqram kanalı məlumat yayıb. 

O, qismən səfərbərlik haqqında sərəncamın imzalandığını bildirib.

V.Putinin sözlərinə görə, Rusiyada səfərbərlik fəaliyyətləri bu gün başlayacaq.

“Vətənimizi qorumaq üçün Müdafiə Nazirliyinin qismən səfərbərlik təklifinin dəstəklənməsi qərara alınıb. Vurğulayıram ki, söhbət qismən səfərbərlikdən gedir. Yalnız hazırda ehtiyatda olan və ilk növbədə Silahlı Qüvvələrin sıralarında, müəyyən hərbi ixtisaslara və müvafiq təcrübəyə malik hərbi xidmətdə olan vətəndaşları çağırıram. Hərbi xidmətə çağırılanlar xüsusi hərbi əməliyyat təcrübəsi nəzərə alınmaqla, mütləq əlavə hərbi hazırlıq keçəcəklər”, - V.Putin qeyd edib.