Almaniyanın yeni kansleri seçilib

Almaniya Bundestaqının bu gün keçirilən iclasında Olaf Şolts kansler seçilib.

Bundestaqın saytının xəbərinə görə, 707 deputatdan 395-i O. Şoltsun namizədliyinin lehinə səs verib.

Sosial Demokrat Partiyasının namizədi olan O. Şolts Belvyu sarayında Prezident Valter Ştaynmayerlə görüşəcək. Burada Almaniya Prezidenti onu və 16 nazirdən ibarət yeni kabineti (7-si SPD-dən, 5-i Yaşıllardan və 4-ü FDP-dən) təsdiqləyəcək. Bundan sonra o, parlamentə qayıdaraq and içəcək və səlahiyyətlərinin icrasına başlayacaq.