Proqnoz: Bu il Rusiya əhalisi azalacaq

2020-ci ildə Rusiya əhalisi təxminən 158 min nəfər azalacaq. Bu, ötən ilki azalmadan 5 dəfə çoxdur.

Bu barədə Rusiya hökumətinin 2024-cü ilədək milli inkişaf məqsədlərinə nail olmaq üzrə vahid planın layihəsində deyilir.

Bu azalma 2006-cı ildən sonra qeydə alınan ən yüksək göstərici olacaq. Mütəxəssislərin fikrincə, bu, koronavirus pandemiyası və miqrantların ölkəni tərk etməsi ilə bağlıdır.

2018-ci ildə Rusiyada əhali 99,7 min nəfər, 2019-cu ildə, 32,1 min nəfər azalmışdı.

2006-cı ildə isə əhalinin azalma göstəricisi 373,9 min nəfərə bərabər olmuşdu./trend