Türkiyədə seldə itkin düşənlərin axtarışı davam edir

Türkiyənin Giresun bölgəsində avqustun 23-də yağan güclü yağışın yaratdığı sel və daşqın zamanı itkin düşənlərin axtarışı davam edir.

Sel və daşqınlar nəticəsində itkin düşənlərdən daha birinin cəsədinin tapılması ilə ölənlərin sayı ona çatıb. Hazırda ikisi daxili qoşunların əsgəri olmaqla altı nəfərin axtarışı davam edir.

Qeyd edək ki, Giresunda baş vermiş sel və daşqın bölgəyə böyük məbləğdə ziyan vurub. Bir sıra ev, 125 nəqliyyat vasitəsi yarasız hala düşüb. Təbii fəlakət bölgəsindən 150-dən artıq insan təxliyə olunub. Məhəllələr sel axıntıları ilə dolub. Bərpa və təmizlik işlərinə çox sayda ağır texnika və canlı qüvvə cəlb olunub./AZƏRTAC