Fransada pandemiya ilə bağlı karantin müddəti uzadılıb

Fransada COVID-19 pandemiyası ilə bağlı karantin müddəti aprelin 15-dək uzadılıb.

Xezerxeber.az xəbər verir ki, Fransa Baş naziri Eduard Filip Yelisey Sarayından çıxış edərək karantin müddətinin aprelin 15-dək uzadıldığın bildirib. O, növbəti karantin müddətində indiki rejimdəki qaydaların qüvvədə qaldığını diqqətə çatdıraraq, zərurət olarsa, karantin müddətinin aprelin 15-dən sonra da uzadılacağını vurğulayıb. Bildirib ki, karantin qaydalarına riayət etməyənlər ciddi şəkildə cəzalandırılacaqlar. Bir neçə gün əvvəl COVID-19 pandemiyası ilə bağlı yaradılmış yeni elmi şura ölkədə karantin müddətinin ən azı 6 həftə uzadılması zərurətini vurğulayıb.

Bu gün səhər Baş nazir E.Filip əhalini pandemiyanın son dərəcə böyük dalğasının yaxınlaşması ilə bağlı xəbərdar edib.