Avropa ölkələrindəki Türkiyə vətəndaşları təxliyə olunacaqlar

Avropa ölkələrində səfərdə olan və təhsil alan Türkiyə vətəndaşları yeni növ koronavirus (COVID-2019) infeksiyası riskinə görə təxliyə olunacaqlar.

Xezerxeber.az xəbər verir ki, bunu Xarici İşlər naziri Mövlud Çavuşoğlu bildirib.

Nazir deyib ki, martın 16-da Türkiyə vaxtı ilə saat 17:00-dan etibarən 3614 türk Vətənə qayıtmaq üçün aidiyyəti qaydada müraciət edib. Təxliyə üçün 34 çarter reysi planlaşdırılıb. Avropa ölkələrindən gətiriləcək insanlar İstanbul və Kocaelidə hazırlanmış məkanlarda 14 gün müddətinə karantinə alınacaqlar. Bu gün tamamlanması nəzərdə tutulan təxliyə 9 Avropa ölkəsini əhatə edəcək.