Yaponiyada dövlət məktəblərinin 99 faizi fəaliyyətlərini dayandırıb

Yaponiyada dövlət məktəblərinin təqribən 99, özəl məktəblərinin isə 98 faizi hökumətin yeni koronavirusun yayılmasının qarşısını almaq üçün dərsləri dayandırmaq çağırışına riayət edərək fəaliyyətlərini dayandırıb.

Bu barədə yerli Kyodo agentliyi xəbər verib.

Eyni zamanda, bu gündən başlayaraq bir sıra məktəblər yeni növ koronavirusa yoluxma halları qeyd olunmadığı bölgələrdə məşğələləri bərpa ediblər. Bu, xüsusilə, ölkənin ən cənub prefekturası olan Okinava və Honsü adasında bəzi şəhərlərə aiddir. Bu barədə qərarlar onların yerli özünüidarəetmə orqanları tərəfindən qəbul edilir.