Gürcüstan hökuməti xarici ölkələrə səyahəti məhdudlaşdırıb

Gürcüstanın Dövlət Qurumlararası Koordinasiya Şurası koronovirusla mübarizə ilə əlaqədar daha bir qərar qəbul edib.

AZƏRTAC xəbər verir ki, qərara əsasən, Gürcüstandan xarici ölkələrə biznes və təhsillə bağlı edilən səyahətlər müvəqqəti olaraq məhdudlaşdırılıb.

Qurumun Baş Nazir Giorgi Qaxarianın sədrliyi ilə bu gün keçirilən iclasında ölkədə koronavirusla bağlı vəziyyət müzakirə olunub.

Bildirilib ki, hazırda virusun təsdiqləndiyi 15 xəstənin sağlamlıq durumu qənaətbəxşdir və onlar müvafiq müalicə alırlar.