Türkiyənin çıxarıldığı layihənin işi dayandırıldı Pentaqona ZƏRBƏ

Yaponiya və İtaliyada "F-35 Lightning II” qırıcılarının istehsal prosesi dayandırılıb.

Bu barədə ABŞ Müdafiə Nazirliyi (Pentaqon) məlumat yayıb.

Pentaqonun müdafiə sənayesi üzrə ali məsləhətçisi Ellen Lord Vaşinqtondakı bir konfransda bildirib ki, dünyada yayılan yeni tip koronavirusdan dolayı təşviş yarandığı üçün Yaponiyadakı fabrikin işi dayandırılıb. İtaliyada isə işçilər evdə çalışacaq.

Qeyd edək ki, İtaliya Asiya ölkələrindən sonra koronavirusdan ən çox əziyyət çəkən ölkədir. Xəstəlik səbəbilə ölkə miqyasında iki həftə boyunca məktəb və üniversitetlərin işi dayandırılıb.

Xatırladaq ki, F-35 son olaraq ABŞ-ın Türkiyəni Rusiyadan S-400 zenit raket kompleksi aldığına görə layihədən kənarlaşdırması ilə gündəmə gəlmişdi./publika.az