Hakerlərdən BÖYÜK ƏMƏLİYYAT: hesabları oğurlayıb porno-videolar yaydılar

NBA və WWE kimi oyun seriyalarının distribyutoru olan "2K Games”in sosial media hesabları hakerlər tərəfindən ələ keçirilib.

Şirkət ələ keçirilən keçirilən hesablardan bəzilərinə nəzarəti qaytarmağa müvəffəq olub. Ancaq digər hesablarda özündə seks və irqçiliyi ehtiva edən bir çox zərərli postlar paylaşılıb.

Seksual xarakterli postlarının kim tərəfindən paylaşıldığı hələ də məlum deyil.

Video-oyun sənayesində şirkətlərin və ya işçilərin sosial media hesablarını ələ keçirmək ilk dəfə rast gəlinən hadisə deyil. Daha əvvəl FİFA işçilərinin şəxsi sosial media hesablarının ələ keçirilmişdi. Amma ilk dəfə belə böyük bir hadisəyə rast gəlinir. Çünki 2K oyunlarına aid bütün sosial media hesabları: "Twitter” və "Facebook” da daxil olmaqla heklənib.

Hətta böyük şirkətlərin də hesablarının ələ keçirildiyini nəzərə alsaq, sosial media hesablarınızın təhlükəsizliyini düşünmək fürsətindən istifadə etməliyik. Bütün hesablarınızın parollarını daim yeniləməyə çalışın. "Mənim hesabımı kim nə edər” deyə düşünməyin. Çünki bir küncdə buraxdığınız və unutduğunuz hər hansı bir məlumat həyatınızın qalan hissəsi üçün problem yarada bilər./publika.az