ABŞ müasir raketdən müdafiə sistemi qurur

Vaşinqton diqqətini müasir raketdən müdafiə sistemi qurmaq istiqamətində cəmləyib.

Xezerxeber.az xəbər verir ki, Prezident Donald Tramp bu barədə Konqresdə ölkədəki vəziyyətlə bağlı ənənəvi müraciəti zamanı deyib.

Son 2 il ərzində ABŞ silahlı qüvvələrinin miqyaslı bərpa işlərinə başladığını deyən ABŞ lideri 2018-ci ildə Pentaqonun büdcəsinin 700 milyard dollara yaxın olduğunu, 2019-cu ildə isə bu məbləğin daha 16 milyard dollar artırıldığını bildirib.

"ABŞ-ın hərbi gücünün artmasını göstərən elementlərdən biri kimi raket əleyhinə müasir sistem hazırlanır”, - deyə Donald Tramp əlavə edib.

Prezidentin sözlərinə görə, onun administrasiyası ABŞ maraqlarının qorunması üçün apardığı fəaliyyətə görə heç vaxt üzr istəməyəcək.