Sarkisyanın keçmiş silahdaşı Paşinyan tərəfə keçdi

"Mən Ermənistan Fövqəladə Hallar Nazirliyinin başçısı olmaq təklifini qəbul etdim".

Virtualaz.org bildirir ki, bunu Novosti Armeniya-ya Ermənistan parlamentinin deputatı Feliks Solakyan deyib.

"Bəli, mən belə bir təklif aldım və onu qəbul etdim", - deyə deputat bildirib.

Nəşr xatırladır ki, F.Solakyan əvvəllər Ermənistan Respublika partiyasının fraksiyasına daxil idi. Ancaq 1 mayda baş nazir seçilərkən Nikol Paşinyanın namizədliyini dəstəkləyəndən sonra onun sıralarını tərk etdi.