Azərbaycanda mina qurbanlarının sayı 3 min 400 nəfərdən çoxdur

Azərbaycanda mina qurbanlarının sayı 3 min 400 nəfərdən çoxdur.

Xezerxeber.az xəbər verir ki, bu sözləri “Minalar Əleyhinə Azərbaycan Kampaniyası” İctimai Birliyinin sədri Hafiz Səfixanlı Kambocanın Siem Reap-Angkor şəhərində keçirilmiş “Minalardan Azad Dünya” Sammitinin yekunları və “Landmine Monitor Report 2024” hesabatına həsr olunmuş bugünkü mətbuat konfransında çıxışı zamanı söyləyib.

İctimai birliyin sədri bildirib ki, ölkəmizdə mina qurbanlarından 359 nəfəri uşaq, 38 nəfəri qadındır: “2020-ci il noyabrın 10-dan bu günədək 382 nəfər mina partlayışının qurbanı olub. Nəticədə 70 nəfər həlak olub, 312 nəfəri xəsarət alıb. Həlak olanlardan 55-i, xəsarət alanlardan isə 143-ü mülki şəxslərdir”.