I Qarabağ müharibəsində itkin düşdüyü hesab edilən daha yeddi şəhid dəfn ediləcək

Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən daha yeddi şəhid dəfn olunacaq.

Xezerxeber.az xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.

Belə ki, iyulun 18-də hərbçi Qurbanov Aydın Əsədulla oğlu Maştağa qəsəbəsi, Şəhidlər Xiyabanında dəfn ediləcək. Həmin gün həmçinin hərbçilər Kərimov Yaşar Ələkbər oğlu Neftçala rayonu, Qaramanlı kəndində, Nağıyev Zahid Baxış oğlu Ağdam rayonu, Evoğlu kəndində, Abbasov Akif İlyas oğlu isə Gəncə şəhəri, Şəhidlər Xiyabanında dəfn ediləcək.

İyulun 19-da isə hərbçilər Rəsulov Rəhim Əlyar oğlu Sumqayıt şəhəri, Şəhidlər Xiyabanında və Hümbətov Bəxtiyar Əliş oğlu Yevlax şəhəri, Şəhidlər Xiyabanında dəfn ediləcək.

Dəfn ediləcəklər arasında yalnız bir mülki şəxs var. Belə ki, sözgedən tarixdə mülki şəxs Vəliyev İbrahim Ələşrəf oğlu İmişli rayonu, Şəhidlər Xiyabanında dəfn ediləcək.