Bakının bir hissəsində qaz olmayacaq

Bu gün Bakının Yasamal rayonunun qaz təchizatında fasilə yaranacaq.

Xezerxeber.az bildirir ki, bu barədə "Azəriqaz” İstehsalat Birliyindən məlumat verilib.

Bildirilib ki, mayın 24-də saat 10:00-dan Yasamal rayonu, Kazım Kazımzadə küçəsi 41/47 ünvanında qaz xəttində aşkar olunmuş sızmanın ləğvi ilə əlaqədar qaz təchizatı dayandırılacaq.

Qaz təchizatı dayandırılan müddətdə Yasamal rayonunun Kazım Kazımzadə və Ələsgər Ələkbərov küçələrinin qaz təchizatında müvəqqəti fasilə olacaq.