Sumqayıtda qadını qatar VURDU

Bu gün saat 07:50 radələrində sürət qatarı Sumqayıt-Xırdalan-Bakı istiqamətində hərəkətdə olarkən Yeni Sumqayıt mənzilində bir qadın dəmir yolu xəttini müəyyən olunmamış yerdən qəfil keçməyə cəhd edib.

Xezerxeber.az xəbər verir ki, bu barədə "Azərbaycan Dəmir Yolları" məlumat yayıb.

Bildirilib ki, maşinist təcili tormozlama aparsa da, məsafə az olduğundan toqquşma qaçılmaz olub.

Qəza nəticəsində qadın (yüngül) xəsarət alıb, əraziyə təcili tibbi yardım çağırılıb.

Xətt üzrə  fəaliyyəti bərpa olunub.

ADY piyadaları kritik təhlükəli zona hesab olunan dəmir yolu xətlərini yalnız müəyyən olunmuş yer və keçidlərdən istifadə etməklə keçməyə, yol hərəkəti qaydalarına ciddi əməl etməyə, qəflətən qatarın yoluna çıxmamağa çağırıb.