Deputat özəl məktəbləri tənqid etdi

Özəl məktəblərin əksəriyyəti uşaqların təhsilində milli zəmini unudur. Bu, yaxşı hal deyil. Bizim uşaqlarımız və gənclərimiz köklərimizə bağlı olmalıdır.

Xezerxeber.az xəbər verir ki, bu sözləri parlamentin Ailə, qadın və uşaq məsələləri komitəsinin sədri Hicran Hüseynova komitənin yaz sessiyası çərçivəsində keçirilən ilk iclasında deyib.

İclasda çıxış edən deputatlar Sədaqət Vəliyeva, Tamam Cəfərova və Rauf Əliyev boşanmalar, erkən nikahlar, təhsil proqramı ilə bağlı dinləmələrin təşkil olunmasının komitənin iş planına salınması təklifini irəli sürüblər.