Baş Prokurorluq: Ağdamda baş verən mina hadisəsi ilə bağlı araşdırma aparılır

Ağdam rayonu ərazisində şəxsin mina partlaması nəticəsində xəsarət alması faktı ilə bağlı rayon prokurorluğunda araşdırma aparılır.

Xezerxeber.az xəbər verir ki, bu barədə Baş Prokurorluğun mətbuat xidməti məlumat yayıb.

Qeyd edək ki, dekabrın 5-də Azərbaycan Respublikası Minatəmizləmə Agentliyinin əməkdaşı, 1992-ci il təvəllüdlü Əkbərov Vaqif Sabir oğlu Ağdam rayonunun işğaldan azad edilmiş Sarıcalı kəndi ərazisində xidməti vəzifəsini yerinə yetirən zaman mina partlaması nəticəsində xəsarət alıb.