Rusiyanın təbii qaz hasilatı 14,9 faiz azalıb

Rusiyanın təbii qaz hasilatı bu ilin ilk yarısında əvvəlki ilin eyni dövrü ilə müqayisədə 14,9 faiz azalaraq 267 milyard kubmetr olub.

Xezerxeber.az xəbər verir ki, bu barədə Rusiya Federal Statistika Təşkilatının məlumatında bildirilib.

Mayeləşdirilmiş təbii qaz (LNG) istehsalı isə 4,5 faiz azalaraq 16 milyon tona düşüb. Ölkənin təbii qaz hasilatı iyun ayında əvvəlki aya görə 12,5 faiz azalaraq 34,6 milyard kubmetr olub.

Bir çox Avropa ölkəsi Ukrayna müharibəsi və sanksiyalara görə Rusiyadan təbii qaz idxalını dayandırsa da, bəzi ölkələr də əhəmiyyətli dərəcədə idxalı azaldıb.

Rusiya Avropa təbii qaz bazarında yaşadığı itkiləri Asiya bazarına qaz ixracını artırmaqla kompensasiya etməyi hədəfləyir.