Azərbaycanın hansı həcmdə su ehtiyatı var?

"Ölkənin 25 milyard kub su ehtiyatı var. Bunun 16,5 milyard kubu yeraltı, 8,5 milyard kubu isə yerüstü sulardır".

Xezerxeber.az xəbər verir ki, bunu "Meliorasiya və Su Təsərrüfatı" ASC-nin sədr müavini Rafiq Aslanov "Ölkədə su qıtlığının səbəbləri və mövcud vəziyyət" mövzusunda keçirilən brifinqdə deyib.

R.Aslanov əlavə edib ki, ölkənin mövcud su ehtiyatlarının 94,5 faizi "Meliorasiya və Su Təsərrüfatı" ASC, 5 faizi "Azərsu" ASC tərəfindən, 0,5 faizi isə digər formada paylanılır.