Meymunçiçəyinə yoluxduğumuzu necə bilək? RƏSMİ CAVAB

"Əgər şəxsin səpkisi və temperaturu varsa, biz bunu simptomlarla müəyyənləşdiririk. Çünki ayrıca simptomlar var. Meymunçiçəyi virusuna yoluxmuş şəxsdə temperaturdan bir-iki gün sonra səpkilər başlayır. Səpki öncə üz nahiyədən başlayır, daha sonra bədənin digər yerlərinə yayılır".

XəzərXəbər xəbər verir ki, bu sözləri Səhiyyə Nazirliyinin eksperti Ləman Qalimova bildirib.

Ekspert əlavə edib ki, bu virusa yoluxanlarda limfa düyünləri böyüməyə başlayır: "Vətəndaşlar əgər kimdəsə şübhəli əlamətlər müşahidə edərsə, bu zaman yaxın təmasdan çəkinməlidir. Həmin şəxsi isə xəstəxanaya getməyə məcbur etsinlər".