Azərbaycanda maska tələbi yenidən tətbiq olunur? - Yeni virusla bağlı XƏBƏRDARLIQ

"Azərbaycanla qonşu ölkələrdə meymunçiçəyi virusuna yoluxanlar varsa, deməli, təhlükə ölkəmizə daha da yaxınlaşıb".

XəzərXəbər xəbər verir ki, bu sözləri Səhiyyə Nazirliyinin eksperti Ləman Qalimova bildirib.

Ekspert əlavə edib ki, uçuş zamanı və digər sıx yerlərdə olarkən əhalinin maskadan istifadə etməsi daha yaxşı olar: "Qadağa götürüldüyü üçün insanlar rahatlığa çıxıblar. Maskadan qətiyyən istifadə olunmur. Lakin bilməliyik ki, əgər sərhəd ölkədə bu virusa rast gəlinibsə, bizim ölkəyə gəlmə şansı da yüksəlib".