DİM: İndiyədək 63823 abituriyent öz ərizəsini təsdiq edib

Ali və orta ixtisas təhsili müəssisələrinə tələbə qəbulu ilə bağlı ərizələrin qəbulu 2022-ci il martın 4-də başlayıb və 17-dək internet vasitəsilə aparılır. 14 mart saat 09:05-ə olan məlumata əsasən, ali və orta ixtisas təhsili müəssisələrinə qəbul olmaq üçün ümumilikdə 63823 abituriyent öz ərizəsini təsdiq edib. 

Xezerxeber.az Dövlət İmtahan Mərkəzinə (DİM) istinadən xəbər verir ki, ərizə qəbulunda həm cari, həm də əvvəlki illərin məzunları iştirak edirlər.
Ərizənin təsdiqi DİM-in məlumat bazasında abituriyent barədə olan məlumatların yetərli olub-olmamasından asılı olaraq iki üsulla həyata keçirilir (ərizənin hansı üsulla təsdiq ediləcəyi barədə məlumat proqram tərəfindən “Abituriyentin elektron ərizəsi” forması təsdiq edilənədək ərizəyə hər dəfə daxil olarkən ekranda göstərilir). Ərizəsini SQK-da təsdiq etdirməli olan abituriyentlər martın 17-dək tələb olunan sənədləri (sənədlərin  siyahısı ərizə qəbulu səhifəsinə yerləşdirilmiş qəbul elanında var) şəxsən təqdim etməklə elektron ərizələrini aşağıdakı ünvanlarda yaradılmış SQK-larda təsdiq etdirə bilərlər. 
1. DİM-in Bakı şəhərində yerləşən inzibati binaları:
- Bakı ş., Nəsimi r., Abdulvahab Salamzadə küç., 28
- Bakı ş., Nərimanov r., Koroğlu Rəhimov küç., 108A
2. DİM-in Naxçıvan, Gəncə , Lənkəran, Xaçmaz, Şəki, Şirvan, Göyçay, Bərdə və Şəmkir  regional bölmələri.
Qeydiyyat linki şərhdə yerləşdirilib.