"Azərsu" abonentlərə 19 elektron xidmət təklif edib

"Azərsu" Açıq Səhmdar Cəmiyyəti əhaliyə göstərdiyi xidmətlərin elektronlaşdırılması ilə bağlı tədbirlər həyata keçirir.

Qurumdan verilən məlumata görə, artıq 19 elektron xidmət abonentlərin istifadəsinə verilib. Həmin xidmətlər vasitəsilə abonentlər birbaşa internet üzərindən əmnəliyyatlar həyata keçirir. Əhali abonenet qrupları üçün texniki şərtlər üçün müraciət bölməsində abonent müraciət etməklə texniki şərt əldə edə bilər. Abonent məlumatlarının dəyişdirilməsi bölməsində isə ev alıb-satan abonent həmin bölmədə məlumatıarı dəyişdirə bilər. Bundan başqa, abonentin istifadə etdiyi suya görə borcunu yoxlaması üçün ayrılmış bölməyə müraciət edən şəxs borclu olub-olmaması barədə arayış ala bilər. Həmin bölmədə, həmçinin abonent 1 il ərzində istifadə etdiyi suyun həcmini və ödədiyi vəsaiti öyrənə bilər.

Sayğac göstəricilərinin elektron qaydada təqdim olunması bölməsində isə abonent mənzilindəki sayğacın göstəriciləri ilə tanış ola bilər.

Bu xidmətlərlə yanaşı, qurumun saytında abonent borcunun onlayn öyrənilməsi və ödənilməsi bölməsi də var ki, hər bir şəxs həmin bölmə vasitəsilə borcunu öyrənə və ödəyə bilər. Qurumun elektron müraciətlər bölməsi vasitəsilə abonenet "Azərsu"ya aid olan bütün məsələlər barədə quruma müraciət edə bilir.

"Su nümunələrinin yoxlanılmasına dair müraciət", "Su nümunələrinin yoxlanılmasına dair müraciət", "Su sayğaclarının plomblanmasına (quraşdırılma və ya dəyişdirilməsinə) dair müraciət", "Su sayğaclarının təmiri və yaxud nasaz sayğacların dəyişdirilməsi müraciəti", "Su təchizatı və tullantı sularının axıdılması sistemində baş vermiş qəzaya dair müraciət", "Əhali qrupuna aid olan yeni istehlakçının qeydiyyata alınması", "I qrup istehlakçılar tərəfindən Su təchizatı və tullantı sularının axıdılması xidmətlərindən istifadəyə görə borcun olmaması haqqında arayışın alınması", "Su təchizatı və tullantı sularının axıdılması xidmətləri"nə dair abonentə aid məlumatların verilməsi xidməti, "Əhali qrupuna aid olan istehlakçıların su təchizatı və tullantı sularının axıdılması sisteminə qoşulması üçün texniki şərtlərin alınması müraciəti", "Su sayğaclarının quraşdırılması müraciəti", "Su təchizatı və tullantı sularının idarə olunması xidmətinin müvəqqəti dayandırılması və bərpası müraciəti" və "Elektron faktura" bölmələri olmaqla qurum ümumilikdə 19 elektron xidməti abonentlərin istifadəsinə verib.