TƏBİB-in şöbə müdiri: Son günlərin statistikası ümidvericidir

Son günlərin statistikası ümidvericidir. Sağalma sayı yoluxma sayını ötüb. Bu, bizim üçün çox yaxşı bir göstəricidir.

Xezerxeber.az xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) şöbə müdiri Yaqut Qarayeva deyib.

Şöbə müdirinin sözlərinə görə, burada aparılan testlərin sayı da önəmlidir: "Yəni, aparılan testlərdən neçə müsbət nəticə çıxması vacibdir. Son günlər test sayını da artırmışıq. Əvvəllər testlərin sayı 5-6 min idisə, hazırda 9 minə çatıb. Doqquz min test içərisindən 471 müsbət nəticə çıxması statistik olaraq yaxşı göstəricidir".

Xatırladaq ki, iyulun 17-də Azərbaycanda COVID-19-a 471 yoluxma, 549 sağalma halı qeydə alınıb. Analiz nümunələri müsbət çıxan 7 nəfər vəfat edib.