Buraxılış imtahanlarında üzrlü səbəbdən iştirak edə bilməyənlər üçün əlavə imtahan keçirilir

Dövlət İmtahan Mərkəzi (DİM) bu il keçirilmiş buraxılış imtahanlarında üzrlü səbəbdən iştirak edə bilməyən şagirdlər üçün sentyabrın 8-də əlavə imtahan keçirir.

DİM-dən xezerxeber.az-a bildiriblər ki, buraxılış imtahanları Bakı, Naxçıvan, Gəncə və Şirvan şəhərlərində təşkil olunub. İmtahanlarda IX sinif buraxılış imtahanının birinci mərhələsi üzrə 682, ikinci mərhələsi üzrə 197, XI sinif üzrə isə 164 şagirdin iştirakı nəzərdə tutulur.

İmtahanlara nəzarətçi-müəllimlər nəzarət edirlər.