“Bakı-2015“in məşəli Respublika stadionunda

Məşəli stadiona Azərbaycan Respublikası Gənclər Təşkilatları Milli Şurasının sədri Şahin Seyidzadə çatdırıb.

Respublika stadionu Oyunlar zamanı idmanın başqa bir növü – kamandan oxatma üzrə yarışlara ev sahibliyi edəcək. İyunun 16-dan 22-dək burada keçiriləcək yarışlarda 128 idmançı medallar uğrunda mübarizə aparacaq.

Qeyd edək ki, aprelin 26-dan Azərbaycanın bütün bölgələrinə səyahət edən məşəl iyunun 7-də paytaxt Bakıya gətirilib.

Məşəli Bakıda "Sadko" limanında Prezident İlham Əliyev təhvil alıb və məşəli digər daşıyanlara ötürüb.