VİDEO: Bulvarda açılış həyəcanı

Bakı-2015 İlk Avropa Oyunlarının açılış mərasimi ötən gecə Dənizkənarı Milli Parkda da canlı yayımlanıb. Bu tarixi hadisənin həyəcanını paytaxt sakinləri və xarici ölkə vətəndaşları izləmək üçün parkda böyük ekranların qarşısına toplaşıb.

Minlərlə insan böyük mavi ekranların qarşısına toplaşıb.

Hər kəs səbirsizliklə gözlədiyi anı, yəni Bakı-2105 İlk Avropa Oyunlarının açılış mərasimini izləyir.

Görüntülər Dənizkənarı Milli Parkdandır. Parkda quraşdırılan böyük ekranlar vasitəsi ilə insanlar möhtəşəm gecəyə şahidlik edirdilər.

İnsanları həyəcanlandıran ən mötəşəm an isə Azərbaycanlı idmançıların səhnəyə dəvət olunduğu an idi.

Oyunların açılışını monitorlardan izləyənlər arasında xeyli sayda xarici turistlər də vardı.

Saatlar 23:00-ı göstərdikdə isə möhtəşəm atəşfəşanlıq ilə açılış mərasimi sona çatıb.