"Bakı 2015" Daha bir güləşçimiz - FİNALDA

Daha bir güləşçimiz finala yüksəlib.80 kq çəki dərəcəsində Rafiq Hüseynov birinci görüşünü 1/8 finalda keçirib. Avropa çempionatı və Qran-prinin çempionu, həmçinin dünya çempionatının mükafatçısı Mixael Vaqnerlə (Avstriya) münasibətlərinə aydınlıq gətirib. Hüseynov ilk hissədəcə cütün taleyinə aydınlıq gətirib. Təmiz qələbə sayəsində 1/4 finala yüksələn Rafiq ikinci qarşılaşmasında bolqarıstanlı Daniel Aleksandrovu döşəyə dəvət edib.

O, bu qarşılaşmanın da taleyini vaxtından əvvəl həll edib. İlk hissədə 10:0 hesabı ilə qalib gəlib. Rafiq Hüseynov yarımfinal görüşündə türkiyəli idmançı Səlcuq Çəbi ilə qarşılaşıb. O, türkiyəli idmançıya da vaxtından əvvəl qalib gələrək finala yüksəlib.