Daha bir finalçımız bəlli oldu - Xetaq Qazyumov

O, yarımfinalda Abdusalam Qadisova 4:2 hesabı ilə qalib gələrək finala yüksəlib.

Xetaq Qazyumov ilk təsnifat mərhələsində Radoslav Baranla (Polşa) qüvvəsini sınayıb.

Bu görüşdə təmsilçimiz 10:0 hesabı ilə qalib gələrək növbəti mərhələyə yüksəlib. Qazyumov 1/8 finalda moldovalı Nikolay Çebanla qarşılaşıb və yenə də qələbə qazanıb - 4:0.

İdmançımız 1/4 finalda belaruslu İbrahim Saidova 2:1 hesabı ilə qalib gələrək yarımfinala yüksəlib.

Qeyd edək ki, bu gün "Bakı-2015" Avropa Oyunlarında sərbəst güləş üzrə yarışın ilk günündə 4 çəki dərəcəsinin qalibləri bəlli olacaq.