Voleybol: Azərbaycan İtaliya - 3:1 - Möhtəşəm qələbə

Qaşrılaşmada gərgin keçən dördüncü setdə daha inamlı oyun nümayiş etdirən Azərbaycan milli komandası qalib gəlib - 25:22.

Beləliklə, Azərbaycan voleybol komandası İtaliya yığmasını ümumi hesabda 3:1 hesabı ilə məğlub edib.

Azərbaycan Respublikasının Prezidenti İlham Əliyev və xanımı Mehriban Əliyeva arenada voleybolçularımızın uğurlu çıxışını izləyiblər.

18:12

Üçüncü setdə Azərbaycan voleybolçularına ciddi müqavimət göstərən İtaliya komandası nəticəni öz xeyrinə dəyişə bilib – 22:25.

17:35

İkinci set də Azərbaycan voleybolçularının qələbəsi ilə başa çatıb – 25:20.

17:05

Voleybolçularımız ilk setdə 25:22 hesabı ilə qalib gəliblər.

16:34

Növbəti görüşdə “B” qrupunda çıxış edən Serbiya millisi Bolqarıstan yığması üzərində 3:0 (27:25, 25:12 və 25:18) hesabı ilə qələbə qazanıb.

Hazırda Azərbaycan və İtaliya voleybolçuları qarşılaşırlar.

11:08

İyunun 17-də “Baku Crystal Hall”da birinci Avropa Oyunlarının voleybol yarışında qadın idmançıların mübarizəsi davam edir.

Günün ilk oyunu Almaniya və Niderland voleybolçuları arasında keçirilib. Almanlar hər üç setdə də qalib gəliblər (25:13, 25:23 və 25:22).

Digər oyunda isə “A” qrupunda çıxış edən Polşa və Rumıniya idmançıları üz-üzə gəliblər. Yarışın favoritlərindən sayılan polşalı voleybolçular rəqiblərinə heç bir şans verməyiblər – 3:0 (25:23, 25:15 və 25:17).