Cərrahın əməliyyat zamanı canlı yayım açması ilə bağlı araşdırma başlandı VİDEO

Həkim üzgərmə əməliyyatı zamanı xəstənin dərisini əlində tutaraq canlı yayım açdı... Əməliyyat masasında olan xəstə üz dərisi həkimin əlində ola-ola canlı yayımda onu təriflədi...

“Xəzər Xəbər”in əməkdaşları nə əməliyyatı icra edən həkim Esmira İbrahimli ilə, nə də klinika rəhbərliyi ilə əlaqə yarada biliblər.

Sözügedən həkimin köməkçisi isə bizə cavabında bildirdi ki, bu çox normal haldır və narahat olası nəsə yoxdur.

Hadisənin araşdırılması məqsədi ilə Səhiyyə Nazirliyi Analitik Ekspertiza Mərkəzində işçi qrupu yaradılıb. Bildirildi ki, məsələ ciddi araşdırılacaq və ehtiyac yarandığı halda plandankənar yoxlamanın açılması barədə qərar qəbul ediləcək. Onu da qeyd edək ki, Səhiyyə Nazirinin "Həkimlərin etik davranış qaydalarının təsdiq edilməsi haqqında" əmrinə əsasən, əməliyyat zamanı çəkiliş yalnız elmi tədris məqsədi ilə tam sanitariya gigiyenik qaydalara riayət edilməklə, cərrahiyyə otaqlarında xüsusi tələblərə uyğun (sterillik) quraşdırılan texniki avadanlıqlar vasitəsi ilə həyata keçirilə bilər. əks təqdirdə bu qaydalara əməl etməyərək, digər avadanlıqlarla çəkilişlərin aparılması gigiyenik qaydaları pozur və infeksiya yayılması üçün münbit şərait yaradır.

Xezerxeber.az mövzu ilə bağlı daha ətraflı videomaterialı təqdim edir.