"Azəriqaz" əməkdaşlarının ehtiyatsızlığı səbəbindən evin yandığı iddia edilir VİDEO

"Azəriqaz" əməkdaşlarının ehtiyatsızlığı səbəbindən evin yandığı iddia edilir.

Xezerxeber.az-ın məlumatına görə, hadisə paytaxtın Binəqədi rayonu, Ağamirək İsfahani küçəsi, Döngə 3 ünvanında baş verib. Həmin vaxt evdə 5 nəfər olub.

Ev sahibi Etimad İsmayılovun sözlərinə görə, "Azəriqaz" İstehsalat Birliyinin əməkdaşları qaz xəttində olan sızıntını aradan qaldıran zaman anidən alovlanma baş verib.

Onun sözlərinə görə, hadisə zamanı anası yüngül xəsarət alıb. Yanğınla əlaqədar qurumun əməkdaşları bu gün ünvana baxış keçiriblər. Lakin verdikləri cavab ev sahibini qane etməyib. 

Hadisə və dəymiş zərərin qarşılanması məsələsi ilə bağlı biz də "Azəriqaz" İB ilə əlaqə saxladıq. Hazırda məsələ ilə bağlı araşdırma aparılır.

Eldəniz Vəliyev onu da qeyd etdi ki, istintaq yekunlaşdıqdan sonra evin təmir-bərpası həyata keçiriləcək.

Xezerxeber.az mövzu ilə bağlı daha ətraflı videomaterialı təqdim edir.