Sürücü piyadanı avtomobillə öldürdü, ərazidən qaçdı VİDEO

Bakının Xətai rayonu, Məhəmməd Hadi küçəsi, 76 ünvanında ölümlə nəticələnən yol-nəqliyyat hadisəsi baş verib.

Xezerxeber.az-ın məlumatına görə, hadisə dünən saat 23 radələrində baş verib.

Görüntülərdən aydın olur ki, 3 nəfər yolu keçməyə çalışır. Sürətlə hərəkət edən avtomobili görən iki piyada dayanır. Üçüncü piyada isə qaçaraq yolu keçməyə çalışır və bu zaman avtomobillə vurulur. O, hadisə yerində həyatını itirib.

Qəzanı törədən sürücü hadisə yerindən uzaqlaşır. Ancaq polis əməkdaşları tərəfindən həyata keçirilən tədbirlərlə hadisəni törədən şəxs avtomobillə birlikdə saxlanılıb.

Xezerxeber.az mövzu ilə bağlı videomaterialı təqdim edir. 

Daha ətraflı videomaterial “Xəzər Xəbər”in 21:00 buraxılışında təqdim olunacaq.