Qubada sahibsiz it 3 rayon sakinini dişlədi - Xəsarət alanlardan biri azyaşlıdır VİDEO

Qubada it insanlara hücum edib. Biri azyaşlı olmaqla 3 nəfəri dişləyib.

Xezerxeber.az xəbər verir ki, rayonun Qəçrəş kəndində 65 yaşlı  Zöhrə Mərdəliyevaya və  66 yaşlı Raida Salahovaya sahibsiz it hücum çəkib.

Rayonun  Küsnətqazma kəndinə isə, azyaşlı itin hücumuna məruz qalıb.

TƏBİB-dən bildirilib ki, dünən müxtəlif saatlarda Quba rayonu ərazisində baş verən it dişləməsi səbəbilə xəsarət alan 3 nəfər Quba Rayon Mərkəzi Xəstəxanasına hospitalizasiya olunub. Qeyd olunub ki, 2018-ci il təvəllüdlü şəxsə sol yanağın və gicgah çənə nahiyəsinin çoxsaylı cırılmış açıq yarası, 1960-ci il təvəllüdlü qadına burunun kəsilmiş cırılmış açıq yarası, sağ saidin didilmiş sıyrılmış yarası, 1959-cu il təvəllüdlü  qadına  isə sağ əlin 3 və 4 cü barmaqlarının kəsilmiş cırılmış yarası, sağ saidin arxa səthinin kəsilmiş açıq yarası diaqnozu təyin olunub.

Qəçrəş bələdiyyəsindən bildirilib ki, it eyni yol üzrə hərəkətdə olub və qarşısına çıxan insanlara hücum edib. İtin tutularaq tədbirlər görülməsi istiqamətində işlər aparılır.

Xezerxeber.az mövzu ilə bağlı daha ətraflı videomaterialı təqdim edir.