Bu yolda nişanlanmada səhv var? VİDEO

Nəsimi rayonu, Dilarə Əliyeva küçəsində hərəkətin təşkilində və nişanlanmada ziddiyət var. 

Xezerxeber.az-ın məlumatına görə, yolun “Azərbaycan Dəmir Yolları”nın yanından keçən hissəsində yerdə məcburi hərəkət nişanı qoyulsa da, oxlanma ilə çəkilən xətdə nişanın əksinə dönməyə icazə verilir.

Yol hərəkəti üzrə ekspert Ərşad Hüseynov deyir ki, yol hərəkətinin təşkili və texniki vasitələrin tətbiqi bir-biri ilə uzlaşmalıdır. Ancaq sözügedən yolda buna əməl edilməyib.

Ekspert deyir ki, həmin yolayrıcında mövcud vəziyyətə görə heç bir sürücü cərimələnə bilməz. Ərazidə məcburi hərəkət nişanı 5.8.1 nişanı ilə əvəzlənməlidir. Əks halda, sola və geriyə dönməyi bildirən xətlənmə silinməlidir.

Məsələ ilə bağlı Azərbaycan Yerüstü Nəqliyyat Agentliyindən isə bildirildi ki, artıq sözügedən əraziyə baxış keçirilib, uyğunsuzluq aradan qaldırılıb.

Xezerxeber.az mövzu ilə bağlı daha ətraflı videomaterialı təqdim edir.