Körpüdə təhlükəli vəziyyət yaranıb VİDEO

Paytaxtın Babək prospektindəki körpüdə təhlükəli vəziyyət yaranıb.

Xezerxeber.az-ın məlumatına görə, körpüdə daşlar qoparaq yola düşüb.

Bu vəziyyət həm sürücüləri, həm də piyadaları narahat edib.  

Hadisə zamanı xəsarət alan olmadığı bildirilir.

Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli bildirib ki, Babək prospektində yerləşən yol ötürücülərindən birində bəzək üçün vurulmuş üzlük daşlarının kiçik bir hissəsi qoparaq yol kənarına düşüb. Qısa müddət ərzində həmin daş hissələri yol kənarından təmizlənərək kənarlaşdırılıb: "Yol ötürücüsündə olan digər üzlük daşları tərəfimizdən yoxlanılıb və qopma ehtimalının olmadığı müəyyən edilib”.

Xezerxeber.az mövzu ilə bağlı daha ətraflı videomaterialı təqdim edir.