Avtobusu sərxoş vəziyyətdə idarə edən sürücü sərnişinləri təhqir etdi VİDEO

“BakuBus” MMC-nin tərkibində olan 149 nömrəli avtobusun sürücüsü sərnişinləri təqhir edib. 

Xezerxeber.az-ın məlumatına görə, bununla bağlı "Xəzər Xəbər"in qaynar xəttinə video göndərən hadisə şahidləri iddia edirlər ki, sürücü içkili vəziyyətdə olub. Avtobusu çox sürətlə idarə etdiyi üçün sərnişinlər ona etiraz ediblər. Elə mübahisə də bundan sonra başlayıb.

Görüntüləri göndərənlər sürücünün ayaq üstə zorla durduğunu, bəzi hallarda müqavimətini itirdiyini iddia ediblər.

Sərxoş olduğu bildirilən sürücü sərnişinə qarşı dəfələrlə nalayiq ifadələr səsləndirib.

Hadisə ilə bağlı "BakuBus" MMC-dən bildirildi ki, hadisə ilə bağlı araşdırma aparılıb. Araşdırmalardan sonra həmin sürücü işdən kənarlaşdırılıb.

Qeyd edək ki, İnzibati Xətalar Məcəlləsinin 333.4- cü maddəsinə əsasən, ümumi istifadədə olan nəqliyyat vasitəsini idarə edən şəxs içkili vəziyyətdə sərnişin daşıdığı zaman onun nəqliyyat vasitəsini idarə etmək hüququ 2 il müddətinə məhdudlaşdırılmaqla 15 gündən bir ayadək müddətə inzibati həbs tətbiq olunur.

Xezerxeber.az mövzu ilə bağlı daha ətraflı videomaterialı təqdim edir.