İntensiv yağış yağacaq, külək əsəcək XƏBƏRDARLIQ/VİDEO

Bakıda və Abşeron yarımadasında yanvarın 7-si axşamdan 8-i gündüzədək bəzi yerlərdə arabir yağış yağacağı gözlənilir. Yarımadanın ayrı-ayrı yerlərində intensivləşəcəyi ehtimalı var.

Xezerxeber.az-ın məlumata əsasən, Azərbaycanın bəzi şərq rayonlarında yanvarın 7-dən 8-i səhərədək hava şəraitinin arabir yağıntılı olacağı gözlənilir. Ayrı-ayrı yerlərdə yağıntının qısa müddətə intensivləşəcəyi ehtimal olunur.

Milli Hidrometeorologiya Xidmətinin Proqnozlar Bürosunun direktoru Gülşad Məmmədova bildirib ki, sabah bəzi yerlərdə yağış intensivləşəcək. Cənub-qərb küləyi əsəcək. Dağlarda gecə 5-10 dərəcə şaxta olacağı gözlənilir.

Baş Dövlət Yol Polisi İdarəsi də qeyri-sabit hava şəraiti ilə bağlı hərəkət iştirakçılarına müraciət edib.

"Qeyri-sabit hava şəraitinin yarada biləcəyi çətinlikləri nəzərə alaraq, piyadaları da yollarda məsuliyyətli olmağa çağırırıq",-deyə Baş Dövlət Yol Polisi İdarəsinin müraciətində vurğulanıb.

Xezerxeber.az mövzu ilə bağlı daha ətraflı videomaterialı təqdim edir.