Ali təhsil alan tələbələrin bəziləri seçdikləri ixtisasdan narazıdırlar VİDEO

Təhsil müddətində ixtisasını dəyişən tələbələrin sayı əvvəlki illə müqayisədə 12 % artıb. Çünki ali təhsil alan tələbələrin bəziləri seçdikləri ixtisasdan narazıdırlar. Bəs buna səbəb nədir?

Xezerxeber.az-ın məlumatına görə, statistik məlumatlara əsasən, ali təhsil alan tələbələrin təxminən 35 %-i seçdikləri ixtisasdan narazıdır.

Belə bir açıqlama ilə çıxış edən təhsil eksperti Kamran Əsədovun sözlərinə görə, bu rəqəmlər problemin miqyasını açıq şəkildə göstərir.

“Biz tələbələrin köçürülmə statistikasına da baxanda görürük ki, bir qəbul ilində ali təhsil müəssisələrinə qəbul olmuş şəxslərin ən azı 2 minə yaxını öz ixtisasından imtina edərək, digər ixtisas və universitetlərə qəbul olublar.

İxtisasların mahiyyəti ilə bağlı müxtəlif təlimlər keçirilsə, faydalı olar. Hazırda 4400 orta ümumtəhsil məktəbində 1.6 milyona yaxın şagird təhsil alır. 2025-ci ildə orta ümumtəhsil məktəblərindən 90 min şagird məzun olacaq",-deyə ekspert vurğulayıb. 

Xezerxeber.az mövzu ilə bağlı daha ətraflı videomaterialı təqdim edir.