Rayon yollarında yenə qəzalar... VİDEO

İki avtomobil toqquşşdu baş verən  qəza ölümlə nəticələnib.

Xezerxeber.az xəbər verir ki, ağır yol-nəqliyyat  hadisəsi Tovuzda rayonun Əlimərdanlı  kəndi ərazisində qeydə alınıb. Hərəkətdə olan minik maşınları toqquşub. Qəzadan sonra avtomobillərdən biri  yol kənarında dayanan piyadanı vurub.

Piyada, 69 yaşlı, Əlimərdanlı kənd sakini Tağıyev Həmid Şirin oğlu  hadisə yerində ölüb. Xəsarət alan 4 nəfər Əlimərdanlı kənd sakinləri - 2 qardaş- 16 yaşlı Elmin Tağıyev, 25 yaşlı Elvir Tağıyev, həmçinin, 33 yaşlı  Elnur  Tağızadə və 59 yaşlı  Vilayyət Yusifov  xəsarət alaraq xəstəxanaya yerləşdirilib. Onlara dərhal tibbi yardım göstərilib. Hazırda yaralıların vəziyyəti orta agır qiymətləndirilir.                  

Oğuz rayonunda avtomobil piyadanı vuraraq öldürüb. Hadisə gecə saatlarında rayonun Kərimli kənd ərazisində baş verib.

Belə ki, rayonun Xalxal kənd sakini 1988-ci il təvəllüdlü Tural Ayaz oğlu Abdullayev idarə etdiyi avtomobillə Şəki rayonu Qayabaşı kənd sakini 1976-cı il təvəllüdlü Qalib Bəhman oğlu Hüseynovu vurub. Qəza nəticəsində 49 yaşlı Qalib Hüseynov həyatını itirib.

DİN-in Mətbuat Xidmətinin Şəki regional qrupundan bildirilib ki, rayon polis şöbəsinin əməkdaşlarının həyata keçirdikləri tədbirlərlə piyadanı vuraraq hadisə yerindən yayınmaqda şübhəli bilinən avtomobilin sürücüsü Tural Abdullayev saxlanılıb.

Fövqəladə Hallar Nazirliyinin "112" qaynar telefon xəttinə Salyan rayonunun Kürsəngi kəndi ərazisində yol-nəqliyyat qəzasının baş verməsi və xilasedici köməyinə ehtiyac olması barədə məlumat daxil olub.

Məlumatla əlaqədar dərhal əraziyə FHN-in Muğan Regional Mərkəzinin xilasediciləri cəlb edilib.

Hadisə yerində əməliyyat şəraiti qiymətləndirilərkən minik avtomobilinin, ilkin ehtimala görə, yüksək sürətlə hərəkətdə olarkən idarəetməni itirirək çevrilməsi nəticəsində yol-qəza hadisəsinin baş verdiyi və sərnişinin deformasiyaya uğramış nəqliyyat vasitəsində sıxılı vəziyyətdə qalması müəyyən olunub.

Xilasedicilər tərəfindən xüsusi alətlərin köməyi ilə yol-nəqliyyat qəzası zamanı nəqliyyat vasitəsində sıxılı vəziyyətdə qalan 64 yaşlı Əhmədov Rafət Hilal oğlu avtomobildən çıxarılaraq təcili tibbi yardım briqadasına təhvil verilib.

Yolu keçən piyadanı maşın vurub. Hadisə cəlilabad rayonun Uzuntəpə kəndi ərazisində qeydə alınıb.hərəkətdə olan nəqliyyat vasitəsi rayon sakini, Cavid Mahmudovu vurub. Yaralı müxtəlif dərəcəli bədən xəsarətləri alaraq  Cəlilabad rayon  Mərkəzi  Xəstəxanasına çatdırılıb.

Bütün faktla bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir.