Tovuz və Goranboyda AĞIR QƏZALAR VİDEO

Avtomobillər toqquşdu, sürücülərdən biri hadisə yerində öldü...

Xezerxeber.az xəbər verir ki, hadisə Tovuzun İbrahimhacılı kəndi ərazisində qeydə alınıb. Rayonun Əlibəyli kənd sakini 35 yaşlı Mahir Rzayevin idarə etdiyi minik maşını ilə Köhnə qala kənd sakini 62 yaşlı Rauf Hümbətovun idarə etdiyi  nəqliyyat vasitəsi toqquşub. Nəticədə Rauf Hümbətov aldığı xəsarətlərdən hadisə yerində həlak olub.

Hadisə zamanı Köhnə qala kənd sakinləri 30 yaşlı Ramiz Məmmədov və 19 yaşlı Fatimə Məmmədova, 48 yaşlı Vasif Zeynalov, Gəncə şəhər sakini 50 yaşlı Nəsimi Abdıyev və digər avtomobilin sürücüsü Mahir Rzayev Tovuz rayon Mərkəzi  Xəstəxanasına yerləşdiriliblər. Sürücü Şəmkir rayonundakı xəstəxanalardan birinə göndərilib. Fatimə Məmmədova isə həkim nəzarətində saxlanılıb. Digər şəxslərə isə ambulator müayinə göstərilib. Faktla bağlı araşdırmalara başlanılıb.

Goranboyda isə iki minik avtomobili toqquşub onlardan biri zərbənin gücündən ikiyə bölünüb.

Dəhşətli qəza Goranboy-Qızılhacılı yolunun rayonun Balakürd kəndindən keçən hissəsində qeydə alınıb. Avtomobillərin toqquşması nəticəsində 6 nəfər müxtəlif dərəcəli bədən xəsarətləri alıblar. Yaralılar dərhal Goranboy rayon Mərkəzi Xəstəxanasına çatdırılıb.

Hadisə ilə bağlı araşdırma aparılır.

Xezerxeber.az mövzu ilə bağlı daha ətraflı videomaterialı təqdim edir.