Evini odun sobası ilə qızdıran qadın dəhşətli yanğının qurbanı oldu – Hadisənin DETALLARI VİDEO

Gəncədə ölümlə nəticələnən yanğın baş verib.

Xezerxeber.az xəbər verir ki, hadisə səhər saat 10 radələrində Natavan 2 qəsəbəsində qeydə alınıb.

Qonşuların sözlərinə görə, ölən qadın uzun müddətdir ki, evdə tək yaşayırmış. Evi isə odun sobası ilə isidirmiş.

FHN-dən verilən məlumata görə, yanğın ümumi sahəsi 15 m² olan birmərtəbəli 1 otaqlı evin 10 m² sahəsini əhatə edib. Yanğın yerinin kəşfiyyatı zamanı 1 nəfərin yanmış meyiti aşkar edilərək aidiyyəti üzrə təhvil verilib. Evin qalan hissəsi yanğından mühafizə olunub.

Ölən şəxsin 77 yaşlı Tatyana Nadyonova olduğu bildirilir.

Xezerxeber.az mövzu ilə bağlı daha ətraflı videomaterialı təqdim edir.