Bəzi mağazalarda deşici gücə malik oyuncaq silahlar SATILIR VİDEO

Bəzi mağazalarda deşici gücə malik və xarici görünüşcə reala bənzəyən oyuncaq silahlar satılır.

Xezerxeber.az xəbər verir ki, bunu həmin mağazalardan birinin  sosial şəbəkə hesabında paylaşılan görüntülərdən də görmək mümkündür.

Əksər valideynlər  bu tip oyuncaqların mağazalarda satılmasına qarşıdırlar. Deyirlər ki, uşaqlar üçün ciddi təhlükəyə səbəb ola bilər.

Təhlükəsizlik məsələləri üzrə ekspert Elmar Nurəliyev də bu tip oyuncaq silahların uşaqların inkişafı və təhlükəsizliyi baxımından mənfi təsir göstərə biləcəyini bildirir.  

Daxili İşlər Nazirliyinin mətbuat xidmətinin bölmə rəisi Nurlan Əliyev isə bildirir ki, belə oyuncaqların satıldığı səhifələr qurum tərəfindən daim nəzarət altında saxlanılır və müvafiq tədbirlər görülür.

Xezerxeber.az mövzu ilə bağlı daha ətraflı videomaterialı təqdim edir.