Yol qəzaları iki gəncin ölümü ilə nəticələndi VİDEO

Qazaxda ölümlə nəticələnən yol qəzası baş verib.

Xezerxeber.az-ın məlumatına görə, hadisə rayonun Quşçu Ayrım kəndində qeydə alınıb.

Hərəkətdə olan traktor idarəetmədən çıxaraq aşıb. Sükan arxasında olan 17 yaşlı Məcid İsgəndərli aldığı xəsarətlərdən dünyasını dəyişib.

Məlumata görə, Məcid İsgəndərli traktorla su satmaqla məşğul imiş.

Faktla bağlı araşdırma aparılır.

Ağstafada baş verən qəzada isə 19 yaşlı gənc dünyasını dəyişib. Rayonun Canallı kənd sakini, 61 yaşlı Elşad Hacıməmmədovun sükanı arxasında olduğu avtomobil əks istiqamətdə hərəkət edən, Ağstafanın Saloğlu qəsəbə sakini 19 yaşlı Ruhin Sadıxzadənin idarə etdiyi motosikletlə toqquşub. Motosikletin sürücüsü Ruhin Sadıxzadə hadisə yerində dünyasını dəyişib. Faktla bağlı cinayət işi başlanıb, istintaq aparılır. 

Xezerxeber.az mövzu ilə bağlı daha ətraflı videomaterialı təqdim edir.