Bəzi bölgələrdə qaz təzyiqi niyə azalıb? VİDEO

Bəzi bölgələrdə qazın təzyiqi zəifləyib.

Bir neçə bölgədən “Xəbər Ertəsi”nin qaynar xəttinə göndərilən görüntülərdə qaz təzyiqinin zəif olduğu bildirilir.

Sumqayıt şəhərində də vətəndaşlar qaz təzyiqinin azalmasından şikayət edirlər.  Sakinlərin sözlərinə görə, qazın təzyiqi bəzən normadan aşağı, bəzən isə həddindən artıq çox olur.

Tovuz da vəziyyət demək olar ki, eynidir. Sakinlər deyirlər ki, havaların soyuması ilə qazın təzyiqi aşağı düşüb. Bu isə onlara ciddi çətinlik yaradır.

Ucarda da qazın təzyiqi ilə bağlı problem yaşanır.

Məsələ ilə bağlı Azəriqaz İstehsalat Birliyindən  bildirildi ki, bu cür lokal problemlərin baş verməsindən xəbərdardırlar.

Şöbə müdiri Eldəniz Vəliyev onu da vurğuladı ki, qazla  bağlı hər hansı problem olduğu halda vətəndaşlar  "Azəriqaz" İstehsalat Birliyinin qaynar xəttinə müraciət edə bilərlər.

Xezerxeber.az mövzu ilə bağlı daha ətraflı videomaterialı təqdim edir.